[PTS Vol S - 3] [\z S /] [\f III /]
[PTS Page 232] [\q 232/]

[BJT Vol S - 3] [\z S /] [\w III /]
[BJT Page 458] [\x 458/]

Suttantapiṭake
Saṃyuttanikāyo
Tatiyo bhāgo
Khandhakavaggo
6. Kilesasaṃyuttaṃ
1. Kilesavaggo

Namo tassa bhagavato arahato sammā sambudhassa

 

6. 1. 1.

Cakkhu suttaṃ

[PTS Page 232] [\q 232/]

322. Sāvatthiyaṃ:

Yo bhikkhave, cakkhusmiṃ chandarāgo, cittasse'so upakkileso. Yo sotasmiṃ chandarāgo cittasse'so upakkileso yo ghānasmiṃ chandarāgo cittasse'so upakkileso yo jivhāya chandarāgo cittasse 'so upakkileso yo kāyasmiṃ chandarāgo, cittasse'so upakkileso, yo manasmiṃ chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 2.

Rūpa suttaṃ

323. Sāvatthiyaṃ:

Yo bhikkhave, rūpesu chandarāgo, cittasse'so upakkileso. Yo saddesu chandarāgo cittasse'so upakkileso yo gandhesu chandarāgo cittasse'so upakkileso yo jarasesu chandarāgo cittasse 'so upakkileso yo phoṭṭhabbesu chandarāgo, cittasse'so upakkileso, yo dhammesu chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 3.

Viññāṇa suttaṃ

324. Sāvatthiyaṃ:

Yo bhikkhave, cakkhuviññāṇasmiṃ chandarāgo, cittasse'so upakkileso. Yo sotaviññāṇasmiṃ chandarāgo cittasse'so upakkileso yo ghānaviññāṇasmiṃ chandarāgo cittasse'so upakkileso yo jivhāviññāṇasmiṃ chandarāgo cittasse 'so upakkileso yo kāyaviññāṇasmiṃ chandarāgo, cittasse'so upakkileso, yo manoviññāṇasmiṃ chandarāgo cittasse'so upakkileso.

[BJT Page 460] [\x 460/]

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 4.

Phassa suttaṃ

325. Sāvatthiyaṃ:

Yo bhikkhave, cakkhusamphassasmiṃ chandarāgo, cittasse'so upakkileso. Yo sotasamphassasmiṃ chandarāgo cittasse'so upakkileso yo ghānasamphassasmiṃ chandarāgo cittasse'so upakkileso yo jivhāsamphassasmiṃ chandarāgo cittasse 'so upakkileso yo kāyasamphassasmiṃ chandarāgo, cittasse'so upakkileso, yo manosamphassasmiṃ chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 5.

Vedanā suttaṃ

326. Sāvatthiyaṃ:

Yo bhikkhave, cakkhusamphassajāya vedanāya chandarāgo, cittasse'so upakkileso. Yo sotasamphassajāya vedanāya chandarāgo cittasse'so upakkileso yo ghānasamphassajāya vedanāya chandarāgo cittasse'so upakkileso yo jivhāsamphassajāya vedanāya chandarāgo cittasse 'so upakkileso yo kāyasamphassajāya vedanāya chandarāgo, cittasse'so upakkileso, yo manosamphassajāya vedanāya chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 6.

Saññā suttaṃ

327. Sāvatthiyaṃ:

Yo bhikkhave, rūpasaññāya chandarāgo, cittasse'so upakkileso. Yo saddasaññāya chandarāgo cittasse'so upakkileso yo gandhasaññāya chandarāgo cittasse'so upakkileso yo rasasaññāya chandarāgo cittasse 'so upakkileso yo phoṭṭhabbasaññāya chandarāgo, cittasse'so upakkileso, yo dhammasaññāya chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

[BJT Page 462] [\x 462/]

 

6. 1. 7.

Cetanā suttaṃ

328. Sāvatthiyaṃ:

Yo bhikkhave, rūpasañcetanāya chandarāgo, cittasse'so upakkileso. Yo saddasañcetanāya chandarāgo cittasse'so upakkileso yo gandhasañcetanāya chandarāgo cittasse'so upakkileso yo rasasañcetanāya chandarāgo cittasse 'so upakkileso yo phoṭṭhabbasañcetanāya chandarāgo, cittasse'so upakkileso, yo dhammasañcetanāya chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 8.

Taṇhā suttaṃ

329. Sāvatthiyaṃ:

Yo bhikkhave, rūpataṇhāya chandarāgo, cittasse'so upakkileso. Yo saddataṇhāya chandarāgo cittasse'so upakkileso yo gandhataṇhāya chandarāgo cittasse'so upakkileso yo rasataṇhāya chandarāgo cittasse 'so upakkileso yo phoṭṭhabbataṇhāya chandarāgo, cittasse'so upakkileso, yo dhammataṇhāya chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyati abhiññā sacchikaraṇiyesu dhammesūti.

 

6. 1. 9.

Dhātu suttaṃ

330. Sāvatthiyaṃ:

Yo bhikkhave, paṭhavidhātuyā chandarāgo, cittasse'so upakkileso. Yo āpodhātuyā chandarāgo cittasse'so upakkileso yo tejodhātuyā chandarāgo cittasse'so upakkileso yo vāyodhātuyā chandarāgo cittasse 'so upakkileso yo ākāsadhātuyā chandarāgo, cittasse'so upakkileso,yo viññāṇadhātuyā chandarāgo cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammanīyaṃ khāyanti abhiññā sacchikaraṇiyesu dhammesūti.

[BJT Page 464] [\x 464/]

 

6. 1. 10.

Khandha suttaṃ

331. Sāvatthiyaṃ:

Yo bhikkhave, rūpasmiṃ chandarāgo, cittasse'so upakkileso. Yo vedanāya chandarāgo cittasse'so upakkileso yo saññāya chandarāgo cittasse'so upakkileso yo saṃkhāresu chandarāgo cittasse 'so upakkileso yo viññāṇasmiṃ chandarāgo, cittasse'so upakkileso.

Yato kho bhikkhave, bhikkhuno imesu pañchasu ṭhānesu cetaso upakkileso pahīno hoti, nekkhammaninnaṃ cassa cittaṃ hoti. Nekkhammaparibhāvitaṃ cittaṃ kammaniyaṃ khāyanti abhiññā sacchikaraṇiyesu dhammesūti.

Kilesavaggo paṭhamo.

Tatruddānaṃ:
[PTS Page 235] [\q 235/] cakkhu rūpañca viññāṇaṃ samphasso vedanāya ca,
Saññā sañcetanā taṇhā dhātukkhandhena te dasāti.
Kilesa saṃyuttaṃ niṭṭhitaṃ.